ciclo pechado

Só dez días despois de chegar a Berlín fixen a miña primeira viaxe da tempada outono-inverno. Onde? Pois a Galiza, por variar un pouco. A voda de dous colegas, que merece post propio, encheu o meu cupo nupcial para varios meses. Outros asuntos de índole paralaboral completaron os motivos da visita e un catarro, collido grazas a unha combinación de aire hiperseco de avión e aire hiperhúmido galaico, aderezouno todo, deixándome xordo durante uns días.

Á volta, os operarios comezaban a colocar no Ku'damm as luces de Nadal que me deron o premio rénico do ano pasado. Porque é que isto xa ten un ano. E todo volve comezar, máis ou menos coa mesma traza.