19:45h
Chegamos a Schönefeld. MJoão di nunha mensaxe que non lle dá tempo a vir ao aeroporto e Emdicamor vai para a súa casa nunha liña distinta, así que vou eu só unha hora e pico no metro. Xa non hai estrañamento ningún: todo é coñecido, completamente familiar e cotián.
Xusto ao saír da miña estación, chega un SMS de Cesare. Comeza querendo facer de adiviño, acertando bastante -mntrs ti stas desesperado por non ntrarll ao macizo de alvdro-, e continúa lembrándome que hoxe viaxamos os dous ao mesmo tempo en dirección a Madrid, só que cuns 5.000 pés de diferenza vertical: Loliña debe botar fume.
Toda esta melancolía soluciónase ao subir as escaleiras. Na miña porta, á vista de toda a xente, MJoão deixou unha foto fantástica do noso entroido berlinés e mais un agasallo de aniversario en forma de cinto multicor. E mentres me preparo para tirar unha foto do conxunto, ela mesma abre a porta desde dentro.Tou na casa.
9 comentários:
Vaia partidazo lle estou tirando á cámara do móbil novo, eh?
oooooooooooooooh
estou a afogar en bágoas, meu pequecho...
precioso
m)alicia
Por certo... ¿é cutre a estación de Schonefeld, ou foi impresión miña? Pensei que pasarían tódolos trens sen topar ónde mercar o ticket...
Hai Cada
A estación de Schönefeld é cutre, si, bastante na liña de todas as estacións periféricas de S-Bahn.
E os billetes hai que ter en conta que só se poden mercar, como en todas as estacións de S-Bahn, nas máquinas automáticas. Se non sabes iso, como lle pasa á maioría da xente que chega ao aeroporto, toleas para saber o que tes que facer...
Ademais a estación xa non se preocupan de arranxala porque o actual aeroporto de Schönefeld vai pechar dentro duns anos cando acaben de construír alí ao lado o mega-aeroporto Berlin Brandemburg International, todo hipermoderno, con centro intermodal de transporte, etc.
Sí, o do billete foi una experiencia un pouco... bueno. O peor foi que parece que se cascaron as vías ou algo así ese día... e seica quitaron o Airport Express e desviaron o tren a Lichtenberg ou algo así. Eu que levaba o mapa ben estudiado :), para o que me serviu.
Teño que dicirlle que lle teño algo de envexa: non me importaría nada pasar unha tempada en Berlín.
Hai Cada
Se tal podemos facer un intercambio. Mudar se aires sempre foi cousa boa.
Por certo, que tal foi a súa visita? Despois de Schönefeld, claro.
Non sei se lle prestaría moito Extremadura nos meses de xullo ou agosto ;-)... pero, se lle cadra, aquí ten vostede a súa casa.
A visita a Berlín foi realmente estupenda. Da a sensación de que alí ocorreu toda a Historia, así con maiuscula, hai nadiña. En xeral, os berlineses foron realmente amables connosco, malia que non dicíamos máis de dez palabras en alemán.
Marchamos coa certeza de que voltaremos a non moito tardar.
Quedaron museos sen visitar, e moitas cervexas por trasegar ;-)
Saúdos.
Enviar um comentário