8.3.05

entrega de premios

Boss, ese compendio de virtudes, fíxome entrega do premio do concurso fotográfico do Nadal: xa teño as miñas hastes rénicas, e o máis espectacular de todo é que as hastes e a bolsiña de papel en que veñen chegaron directamente desde Taiwan da man do Opiniões; no momento da entrega practicamente me saltaban as lágrimas de pura emoción. A sorte quixo que os ladróns non reparasen nos caracteres chineses da bolsa como algo susceptíbel de ser valioso, así que cando saín da casa para ir ao Porto levaba unha mochila de camping chea de cousas innecesarias e á volta entrei cunha lixeirísima bolsa amarela cuns corniños de feltro.

Sem comentários: