4.11.04

corr.: tempus fugit

pero non mata; somos nós os que morremos.

Despois das dúbidas sobre a súa lexitimidade, escribo este post cun certo atraso sobre a súa data ideal.

Antonte, día cheo de efemérides, (m)alicia fixo a súa actualización á versión 3.0, nun período da súa vida que eu non dubidaría en cualificar como "espiral crecente de sexo e desenfreo", aínda que estou seguro da súa disconformidade con esta apreciación. Polas mesmas razóns que a conducen a esta disconformidade, ten prevista unha festa "dos que estamos fatal", á que por suposto estou convidado. Razóns de evidente peso impídenme a asistencia, o cal non é óbice para que a miña gratitude polo convite sexa proporcional á importancia do evento. Segundo di na invitación formal, o ágape vai ter un compoñente marcadamente regionalista: castañas, filloas con chocolate e, atención ao detalle localista neocompostelán, licor-café do Mosquito.

Tamén me comenta, por vías de comunicación variadas, que disque anda á procura de non sei quen. Por unha vez, entendo a movidilla, e conmóveme simplonamente. E desármame, e escarállame todo o que foron ideas para este post.

(que queda francamente lacoeiro)

Also, einfach herzlichen Glückwunsch, Frau (m)alicia.

10 comentários:

Anónimo disse...

obrigada (aquí iría unha desas caras de "me pongo colorada cuando te leo"). agora mesmo non sei máis.
(m)alicia

Cesare disse...

Arredemo se entendo algo do terceiro parágrafo.

Plattdorf disse...

síntoo, pero o cripticismo é unha das características da expresión escrita da rapariga.

vaia o parágrafo como homenaxe. :-D

Anónimo disse...

Pois a festa foi impresionante, as filloas deliciosas, as castañas boisimas e o millor a compañía. Cesare estaba espectacular e de L. nin falar..., jejeje. Bicos moi grandes. Revelde

Anónimo disse...

L. enténdese que é o licorcafé?
as filloas foron o maior éxito gastronómico que tiven nunca. agora si que vallo para casar!
(m)alicia

Anónimo disse...

Non, non, non... Acaso vostede non sabe que a min o licorcafé non me gusta nadiña. E pola contra con L. facía unha merenda (ou dous se son pequenas). Revelde

Anónimo disse...

Non, non, non. Acaso vostede non sabe que a min o licorcafé non me gusta nadiña. Pola contra con L. facía unha merenda, ou dúas se son pequenas. Revelde

Anónimo disse...

joder, pilleino. si, voume ter que corrixir. en realidade o grande éxito gastronómico da festa foi peterpunk :-))), que aínda non sei se le estas crónicas.
dior mío, isto estanos quedando onanista de todo. codifíquense!

Plattdorf disse...

boh, pois eu pilleino á primeira. mira que era fácil, eh? coa cantidade de piadas que temos feito co asunto.. ;-)

Anónimo disse...

Ultimamente non vexo máis q disputas polos "L", claro q aghora xa se vai entendo como alghúns lle teñen tanto apegho. Caladinha